மங்கைவுடுங் கண்ணீரய்யா...!

மண்ணுக்கு உள்ளார

மழைத்தண்ணீ போல் போகுதய்யா

மழைத்தண்ணீ இல்லீங்கய்யா - இந்த

மங்கைவுடுங் கண்ணீரய்யா...!

கல்லரிசி மாலக்கட்டி

கழுத்துக்கொரு குஞ்சங்கட்டி

கழுத்தழகு பாக்காம - என்ன

கனிஞ்சியழ வச்சீகளே...!

நெல்லரிசி மாலக்கட்டி

நெருங்க சரந்தொடுத்து

நெல்லழகு பாக்காம - என்ன

நெனச்சியழ வச்சீகளே...!

சிண்டுலேயும் அரும்பெடுத்து

சில பூசை செய்யப் போனேன்

படியில அரும்பெடுத்து - நானும்

பாத பூசை செய்யப்போனேன்...!

பூசைக்கு பூத்த பூவை

பொறிக்கத்தான் போகயிலே

பூ நாகம் தீண்டுச்சய்யா - நானும்

பூ நாராய்ப் போனேனய்யா...!

செப்புத்தோண்டி கண்டெடுத்து

செவுந்திக்கே தண்ணீ  மொண்டேன்

செப்புத்தோண்டி ரெண்டொடஞ்சா

செவுந்திக்கே சேதந்தானே...!

பரியம் போட சாமரியில வந்தவர
எரிவரியன் தீண்டிச்சாக
அரியனோட பரிவட்டம் இறங்கிப்போச்சு - என்
மதியும்தான் மரிச்சுப்போச்சு...!

அறுகரிசியோட வந்த மக்க

பொறியரிசித் தூவி நிற்க

தூவானமும் தொடங்கிருச்சு

சுத்தியுள்ளவுக கண்ணுக்குள்ள...!